བསྟོད་པའི་ཕན་ཡོན།
བསྟོད་པའི་ཕན་ཡོན།
རྒྱ་གར་སྐད་དུ། སྟུ་ཏི་ཨ་ནུ་ཤཾ་ས། བོད་སྐད་དུ། བསྟོད་པའི་ཕན་ཡོན། །འདི་དག་སངས་རྒྱས་ཐམས་ཅད་ཀྱི། །ཡང་དག་ཡོན་ཏན་རྒྱ་ཆེན་ཡིན། །དེ་དག་ལན་ཅིག་བརྗོད་པས་ཀྱང༌། །གང་ཕྱིར་སྔགས་པས་ཐམས་ཅད་འགྲུབ། །བསྟོད་བའི་རྒྱལ་པོ་འདི་དག་གིས། །དེ་བཞིན་གཤེགས་པ་མཉེས་བྱེད་དེ་བསྐལ་པར་གནས་དང་ལྷག་པ་དང༌། །དངོས་གྲུབ་རྒྱ་ཆེན་སྟེར་བར་གསུངས། །བལྟ་བས་ཆོག་མི་ཤེས་པ་ཡི། །བདག་ཉིད་སྐུ་ཡང་སྟོན་པར་མཛད། །རྣམ་པར་སྣང་མཛད་མགོན་པོ་ཆེ། །མི་བསྐྱོད་པ་དང་རིན་ཆེན་འབྱུང༌། །དག་པའི་རྒྱལ་བ་སྣང་མཐའ་ཡས། །དོན་ཡོད་གྲུབ་རྒྱལ་ཐམས་ཅད་ཀྱིས། །གསེར་འགྱུར་དང་ནི་བཅུད་ཀྱིས་ལེན། །དེ་ཉིད་མཆོག་ཀྱང་རབ་ཏུ་སྦྱིན། །དངོས་གྲུབ་དགར་གྱུར་རྣམས་ཡངས་ཤིང༌། །མ་ལུས་དོན་རྣམས་ཕུན་ཚོགས་པ། །བསམ་པ་ཀུན་ཡང་རྫོགས་བྱེད་པའི། །ཡིད་ལ་སེམས་པ་སྟེར་བར་མཛད། །ཤེས་རབ་ཆེ་དང་སྟོབས་ཤུགས་རྣམས། །མཆོག་ཏུ་དགེ་བ་སྣང་བར་མཛད། །ཅེས་པ་བསྟོད་པའི་ཕན་ཡོན་དང་བཅས་པ་འདི་ཉིད་ནི་རྣལ་འབྱོར་ཆེན་པོའི་རྒྱུད་རྡོ་རྗེའི་དཀྱིལ་འཁོར་གྱི་རྒྱན་ལས་གསུངས་པ་ཡིན་ནོ། །དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།། །།
བསྟོད་པའི་ཕན་ཡོན།